Toshkent davlat stomatologiya instituti rektorining virtual qabulxonasi tashkil etildi va 2016-yil 16-dekabrdan boshlab rasman ishga tushdi. Bu haqda “Daryo” mobil muxbiri Alisher Yunusov xabar berdi.
Institutning tsdi.uz elektron manzilida joylashgan ushbu qabulxonaga muassasa faoliyati bilan bog‘liq har qanday murojaat onlayn rejimda tun-u kun qabul qilinadi. Bu yangilik bilan institut talabalari, professor-o‘qituvchilar va xodimlar ham tanishtirilmoqda.
Shuningdek, Facebook ijtimoiy tarmog‘i orqali ham institutda tahsil olayotgan talaba-yoshlar, professor-o‘qituvchilar, xodimlar, sobiq bitiruvchilar va ota-onalar xabardor qilindi.
Izoh (0)