Oxirgi 40 yil ichida global isish tufayli astronomik kuzatuvlarni olib borish uchun zarur bo‘lgan oydin kechalar miqdori keskin kamayib ketdi. Bu haqda Rossiya Fanlar Akademiyasi Maxsus astrofizika observatoriyasi direktori Yuriy Balega bayonot berdi, deb xabar qiladi “TASS”.
“Katta azimutal teleskopdagi tendensiyaga ko‘ra, oxirgi 30–40 yil ichida astronomik iqlim sezilarli darajada yomonlashdi. Agar teleskop endi ishlay boshlagan 1970-yillarda qishda kuzatish davrimiz 10–12 oydin kechani tashkil etgan bo‘lsa, hozir ikki tundan so‘ng ob-havo o‘zgaradi. Aftidan, global o‘zgarishlar astronomlarning ham medasiga tegadi”, — dedi u Fanlar Akademiyasining Kosmik tadqiqotlar institutida bo‘lib o‘tgan konferensiyadagi chiqishida.
RFA maxsus astrofizik observatoriyasi Shimoliy Kavkazda, Qorachoy-Cherkas respublikasida joylashgan. Unda joylashgan KAT (Katta azimutal teleskop) Yevrosiyodagi eng yirik teleskop hisoblanadi. Uning bosh monolit oynasi diametri 6 metrni tashkil etadi.
Izoh (0)