Xitoyning Zhuhai Singyes Green Building Technology kompaniyasi Samarqandda Markaziy Osiyoda birinchi fotoelektr stansiyani qurish bo‘yicha tenderda g‘olib chiqdi. Bu haqda “O‘zbekenergo” AJ matbuot xizmati ma’lum qildi, deya xabar beradi UzDaily.
Mazkur tender 2014-yil oktabrida e’lon qilingandi. Qurilish muddati 2 yilni tashkil etishi mumkin. Quvvati 100 megavatt bo‘lgan geliostansiya yiliga 200 million kilovatt-soat elektr energiyasi ishlab chiqishi kutilmoqda.
Jami qiymati 275,8 million dollar bo‘lgan loyihani moliyalashtirish Osiyo taraqqiyot bankining 110 million dollar miqdoridagi krediti, shuningdek, O‘zbekiston rekonstruksiya va taraqqiyot fondi hamda “O‘zbekenergo” AJ mablag‘i hisobidan amalga oshiriladi.
Ma’lumot uchun, 2020-yilga kelib O‘zbekistonda umumiy quvvati 300 megavatt bo‘lgan 3 ta (Samarqanddan tashqari, Namangan va Surxondaryo viloyatlarida ham) geliostansiya quriladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)