Porsche kompaniyasi chidamlilik bo‘yicha 2016-yilning Le-Man jahon chempionati poygalarini tark etgan Audi bilan “qitmirona” xayrlashdi, deb xabar bermoqda TJournal.
Porsche tomonidan ishlangan video 2014-yili Audi tomonidan Porsche’ni jahon chempionatiga qaytgani munosabati bilan ishlangan videorolikka o‘ziga xos javob bo‘ldi. Videoda Audi R18 e-tron quattro prototipi Shtutgart shahridagi Porsche zavodi oldida shinalari yordamida “Qaytganing bilan” deya yozilgani aks etgan.
Ikki yil o‘tib, chempionatni Audi tark etdi, Porsche esa bunga javoban yangi video ishladi. Porsche traktori haydovchisi radio orqali Audi’ning chempionatdan chiqib ketganini eshitadi. Shundan so‘ng u Shtutgartga qaytib, Audi tomonidan yozilgan yozuvga o‘zgartirish kiritib, “Ortga qaytinglar” yozuvini hosil qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)