Avtomobil ishlab chiqaruvchi Ford kompaniyasi Rojdestvo bayramiga atalgan hamda poygachi Ken Blokning “Jimxana”siga (motosportning bir turi) parodiya qilingan Snowkhana 5 nomli videorolikni taqdim qildi, deb xabar bermoqda Motor.
Mazkur seriyada drift tarzida Gollivud filmlarining sahnalaridan haydab o‘tayotgan Mental Block ismli qahramon haqida so‘z boradi.
Uch daqiqalik rolik uchun 1 oy vaqt sarflandi. Videoda 17 ta Lego daraxti, 11 banka sun’iy qor, 7 ta kartonli bino, bir flakon montaj ko‘pigi va Skubi-Du sahnasidagi tramplin uchun ayollar kalgotkasi ishlatildi.
Snowkhana 5 videoroligida 18 ta film va multfilmning sahnasini ko‘rish mumkin. Ular orasida “Kelajakka qaytib”, “Forsaj”, “Bullit”, “Forrest Gamp”, “Arvoh ovchilari” va “Muz davri” kabi asarlar bor.
Qayd etish joiz, Snowkhana seriyasining birinchi qismi 4 yil avval paydo bo‘lgandi. Quyida Snowkhana’ning 1—4-seriyalari videosi keltirilgan.
Snowkhana 1
Snowkhana 2
Snowkhana 3
Snowkhana 4
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)