Автомобиль ишлаб чиқарувчи Ford компанияси Рождество байрамига аталган ҳамда пойгачи Кен Блокнинг «Жимхана»сига (мотоспортнинг бир тури) пародия қилинган Snowkhana 5 номли видеороликни тақдим қилди, деб хабар бермоқда Motor.
Мазкур серияда дрифт тарзида Голливуд фильмларининг саҳналаридан ҳайдаб ўтаётган Mental Block исмли қаҳрамон ҳақида сўз боради.
Уч дақиқалик ролик учун 1 ой вақт сарфланди. Видеода 17 та Lego дарахти, 11 банка сунъий қор, 7 та картонли бино, бир флакон монтаж кўпиги ва Скуби-Ду саҳнасидаги трамплин учун аёллар калготкаси ишлатилди.
Snowkhana 5 видеоролигида 18 та фильм ва мультфильмнинг саҳнасини кўриш мумкин. Улар орасида «Келажакка қайтиб», «Форсаж», «Буллит», «Форрест Гамп», «Арвоҳ овчилари» ва «Муз даври» каби асарлар бор.
Қайд этиш жоиз, Snowkhana сериясининг биринчи қисми 4 йил аввал пайдо бўлганди. Қуйида Snowkhana’нинг 1—4-сериялари видеоси келтирилган.
Snowkhana 1
Snowkhana 2
Snowkhana 3
Snowkhana 4
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)