Futbol bo‘yicha Angliya Premyer-Ligasining 17-turi Liverpul derbisi bilan o‘z yakuniga yetadi. 18-dekabr — yakshanba kuni mazkur turning 3 ta o‘yini o‘tkazildi. Bir kun muqaddam esa 6 ta o‘yinga yakun yasalgandi.
Turning markaziy bellashuvi Manchester shahrida kechib, “Siti” Londonning “Arsenal” klubini qabul qildi va irodali g‘alabani qo‘lga kiritdi. Hisob 5-daqiqadayoq Teo Uolkott tomonidan ochilgan bo‘lsa, ikkinchi bo‘lida David Silva va Kevin de Bryuynening paslaridan keyin “shaharliklar” g‘alabani ilib ketdi.
Mag‘lubiyat “Arsenal”ni o‘zi uchun “qadrdon” bo‘lgan 4-o‘ringa tushirib yubordi. “Siti” esa turnir jadvalida 2-o‘ringa ko‘tarildi. “Liverpul” derbida zafar qucha olsa, “Siti”dan 2-pog‘onani tortib oladi.
Angliya Premyer-Ligasi 17-tur bellashuvlari 18-dekabr, yakshanba
“Bornmut” — “Sautgempton” 1:3
Gollar: Natan Ake, 6 (1:0). Rayan Bertran, 14 (1:1). Jey Rodriges, 48 (1:2). Jey Rodriges, 85 (1:3).“Manchester Siti” — “Arsenal” 2:1
Gollar: Teo Uolkott, 5 (0:1). Leroy Sane, 47 (1:1). Rahim Sterling, 71 (2:1).“Tottenhem” — “Byornli” 2:1
Gollar: Eshli Barns, 21 (0:1). Dele Alli, 27 (1:1). Denni Rouz, 71 (2:1).19-dekabr, dushanba“Everton” — “Liverpul”
Izoh (0)