Bob Dilan adabiyot bo‘yicha Nobel mukofoti topshirilishi munosabati bilan nutqida mazkur mukofotning boshqa sohiblari — Killing, Kamyu va Xeminguey bilan bir safda bo‘lish uning uchun faxr ekanligini ma’lum qildi. Bu haqda “Interfaks” xabar bermoqda.
“Shekspir ‘Hamlet’ni yozayotganida qanday aktyorlarni tanlash va qayerdan bosh suyagini topish haqida o‘ylagan bo‘lsa kerak. U ‘yozayotganim adabiyotga taalluqlimi o‘zi’ degan savoldan butkul yiroq bo‘lganiga ishonchim komil”, — ta’kidladi shu tariqa o‘zi kabi qo‘shiq mualliflariga adabiy mukofot berilishi bo‘yicha bahslarni nazarda tutgan Dilan. U mukofotga loyiq ko‘rilgani uchun Shvetsiya qirollik akademiyasiga minnatdorlik bildirdi.
Qo‘shiqchining o‘zi 10-dekabr, shanba kuni bo‘lib o‘tgan mukofotni topshirish marosimi va tantanali banketda ishtirok etmadi. Shu sabab uning nutqini AQSh elchisi o‘qib eshittirdi.
Izoh (0)