Боб Дилан адабиёт бўйича Нобель мукофоти топширилиши муносабати билан нутқида мазкур мукофотнинг бошқа соҳиблари — Киллинг, Камю ва Хемингуэй билан бир сафда бўлиш унинг учун фахр эканлигини маълум қилди. Бу ҳақда «Интерфакс» хабар бермоқда.
«Шекспир ‘Ҳамлет’ни ёзаётганида қандай актёрларни танлаш ва қаердан бош суягини топиш ҳақида ўйлаган бўлса керак. У ‘ёзаётганим адабиётга тааллуқлими ўзи’ деган саволдан буткул йироқ бўлганига ишончим комил», — таъкидлади шу тариқа ўзи каби қўшиқ муаллифларига адабий мукофот берилиши бўйича баҳсларни назарда тутган Дилан. У мукофотга лойиқ кўрилгани учун Швеция қироллик академиясига миннатдорлик билдирди.
Қўшиқчининг ўзи 10 декабрь, шанба куни бўлиб ўтган мукофотни топшириш маросими ва тантанали банкетда иштирок этмади. Шу сабаб унинг нутқини АҚШ элчиси ўқиб эшиттирди.
Изоҳ (0)