Fransiyaning Ivelin departamentidagi Mant-la-Joli shahrida kamida 3 ming kishi evakuatsiya qilindi, bunga u yerdan Ikkinchi jahon urushi davriga tegishli bomba topilgani sabab bo‘ldi, deb yozadi “Interfaks” mahalliy OAVlarga tayanib.
Ichida 200 kg portlovchi moddalari bo‘lgan 500 kilogrammlik bomba qurilish obyektlaridan birida aniqlangan.
Uni 8-dekabr kuni kechgacha zararsizlantirishga muvaffaq bo‘lishgan. Sapyorlar ishlayotgani tufayli, temiryo‘l harakati vaqtincha to‘xtatib qo‘yilgan. Shuningdek, yaqin oradagi o‘nlab ko‘chalar yopib qo‘yilgan. Evakuatsiya qilingan fuqarolar shu kuni tunda uylariga qaytgan.
Izoh (0)