Saudiya Arabistoni xaridorlarga OPEK qarori munosabati bilan 2017-yil yanvarida neft yetkazib berish qisqarishi haqida ma’lum qildi. Bloomberg mamlakatning Aramco kompaniyasi mijozlari tegishli bildiruv olganini ta’kidlamoqda, deya xabar beradi “TASS”.
PIRA Energy Group manbalariga ko‘ra, bildiruvda yetkazib berishning qisqarish hajmi turlicha bo‘lishi ma’lum qilingan. Biroq Shimoliy Amerika davlatlaridagi mijozlarga bu ko‘proq taalluqli bo‘lishi taxmin qilinmoqda.
Ma’lumot uchun, OPEK 8 yil mobaynida birinchi bor neft qazib olish hajmini sutkasiga 32,5 million barrelgacha kamaytirish haqida qaror qabul qildi. 10-dekabr kuni tashkilot unga a’zo bo‘lmagan davlatlar bilan shunday bitim tuzishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)