Turkiya NATOdan o‘z zobitlarining yarmini chaqirib oldi

Shu yilning iyul oyida Turkiyada harbiy to‘ntarishga urinish amalga oshirilganidan buyon ushbu mamlakat hukumati NATO birlashgan qurolli kuchlarida katta lavozimlarni egallab turgan 300 zobitidan 150 nafarini chaqirib oldi, ularning yarmi esa boshqa zobitlar bilan almashtirildi. Bu haqda NATOning Yevropadagi birlashgan qurolli kuchlari bosh qo‘mondoni, amerikalik general Kyortis Skaparrotti bayonot berdi, deb xabar qiladi “Kommersant.ru”.

Ayrim zobitlar Turkiyaga qaytishdan bosh tortib, Germaniya, Belgiya, AQSh va boshqa davlatlardan siyosiy boshpana so‘radi.

“Bu zobitlar obro‘-e’tibor qozonib, katta tajribaga egadir, ular boshqa zobitlar tayyorlashda muhim o‘rin tutar edi”, — ma’lum qildi general jurnalistlar bilan suhbat chog‘ida.

Skaparrotti qo‘mondonlik xavfsizlikdan xavotirlanishiga hech qanday sabab bo‘lmaganini alohida qayd qilib o‘tdi.