Шу йилнинг июль ойида Туркияда ҳарбий тўнтаришга уриниш амалга оширилганидан буён ушбу мамлакат ҳукумати НАТО бирлашган қуролли кучларида катта лавозимларни эгаллаб турган 300 зобитидан 150 нафарини чақириб олди, уларнинг ярми эса бошқа зобитлар билан алмаштирилди. Бу ҳақда НАТОнинг Европадаги бирлашган қуролли кучлари бош қўмондони, америкалик генерал Кёртис Скапарротти баёнот берди, деб хабар қилади «Коммерсант.ru».
Айрим зобитлар Туркияга қайтишдан бош тортиб, Германия, Бельгия, АҚШ ва бошқа давлатлардан сиёсий бошпана сўради.
«Бу зобитлар обрў-эътибор қозониб, катта тажрибага эгадир, улар бошқа зобитлар тайёрлашда муҳим ўрин тутар эди», — маълум қилди генерал журналистлар билан суҳбат чоғида.
Скапарротти қўмондонлик хавфсизликдан хавотирланишига ҳеч қандай сабаб бўлмаганини алоҳида қайд қилиб ўтди.
Изоҳ (0)