AQSh saylangan prezidenti Donald Tramp Boeing hukumat bilan tuzgan davlat rahbari uchun samolyot (Air Force One) tayyorlab berish bo‘yicha shartnomani narxi balandligi sababli bekor qilish lozimligini bildirdi. Bu haqda “RBK” xabar bermoqda.
“Boeing bo‘lajak prezidentlar uchun yangi 747 quryapti, biroq xarajatlar nazoratdan chiqib ketgan, 4 milliard dollardan oshiqni tashkil etyapti. Buyurtmani bekor qiling!” — deya yozgan Tramp Twitter’dagi sahifasida.
Kompaniya bilan Boeing 747-8 ni yetkazib berish bo‘yicha shartnoma 2015-yil yanvarida tuzilgan va 2017-yilda bajarilishi kutilgandi. Mazkur havo kemasi prezident borti talablariga to‘g‘ri keladigan va shu bilan birga, AQShda ishlab chiqariladigan yagona samolyot bo‘lib chiqdi.
Tramp keyinchalik o‘z qarorini jurnalistlarga tushuntirib berdi. “Boeing hukumatdan biroz foydalanyapti. Biz kompaniya ko‘p pul ishlab topishini istaymiz, ammo bu darajada emas”, deb izoh berdi saylangan prezident.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)