2016-yilning 5-dekabr kuni O‘zbekiston Respublikasi Tashqi ishlar vazirligida Eron Parlamentining Tashqi siyosat va xavfsizlik bo‘yicha komissiyasi a’zosi Murtazo Saffari Natanziy bilan uchrashuv bo‘lib o‘tdi. Bu haqda TIV matbuot xizmati xabar berdi.
Prezident saylovida xalqaro kuzatuvchi sifatida ishtirok etish uchun O‘zbekistonga kelgan Eron deputati saylov uchastkalariga tashrif buyurgani, saylovchilar bilan uchrashgani haqida so‘zlab berdi.
Murtazo Saffari Natanziy yakuniga yetgan O‘zbekiston Prezidenti saylovi bo‘yicha kampaniyaning uyushqoqlik bilan va ochiqlik ruhida o‘tganligini qayd etdi. Saylovning milliy qonunchilik va tan olingan xalqaro prinsiplar asosida o‘tganligi ta’kidlandi.
Suhbat chog‘ida O‘zbekiston-Eron kun tartibi masalalari yuzasidan ham fikr almashildi.
Uchrashuvda Eron Elchisi Bahman Og‘oroziy Do‘rmoniy ishtirok etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)