AQSh Davlat departamenti Shavkat Mirziyoyevni Prezident lavozimiga saylangani bilan tabrikladi

AQSh Davlat departamenti Shavkat Mirziyoyevni O‘zbekiston Prezidenti lavozimiga saylangani bilan tabrikladi. Bu haqda Davlat departamenti vakili Mark Toner ma’lum qildi, deb yozadi UzDaily.

Uning aytishicha, AQSh Davlat departamenti Markaziy Osiyo mintaqasidagi barqarorlikka umid bildirib qolgan.

“Biz prezident vazifasini bajaruvchi va bosh vazir Shavkat Mirziyoyevni O‘zbekistonning yangi prezidenti sifatida tabriklaymiz”, — dedi Toner.

“Mamlakat sifatida O‘zbekiston yangi bosqichga o‘tmoqda, biz mintaqaviy barqarolik hamda iqtisodiy, siyosiy va ijtimoiy islohotlardagi progressga umid qilib qolamiz”, — deya ta’kidladi u.