Futbol bo‘yicha Angliya Premyer-Ligasining 14-turi markaziy uchrashuv bilan boshlanib, Londonning “Chelsi” klubi “Manchester Siti” maydonida mehmon bo‘ldi.
Birinchi bo‘lim so‘nggida mezbonlar hisobda oldinga chiqib olgan bo‘lsa-da, ikkinchi 45 daqiqalikda “Chelsi” 3 ta gol urishga muvaffaq bo‘ldi. Yevro—2016 da Italiya terma jamoasini boshqarib, Ispaniya ustidan 2:0 hisobida muvaffaqiyat qozongan Antonio Konte, xuddi Ispaniya kabi to‘p surayotgan Pep Gvardiola jamoasini ham 2 ta gol farqi bilan mag‘lub eta oldi va peshqadamligini mustahkamladi.
Mamlakatning amaldagi chempioni “Lester” so‘nggi pog‘onada borayotgan “Sanderlend” maydoniga tashrif buyurdi va imkoniyatni boy berdi. Bosh murabbiy Klaudio Ranyeri aytib o‘tganidek, “Lester” Premyer-Ligada jon saqlab qolish uchun kurashayotgan klublarga juda yaqin turibdi.
Bir tur avval “Chelsi”ga qarshi maydonga tushib, mavsumdagi ilk mag‘lubiyatini qabul qilib olgan “Tottenhem”, mazkur turda “Suonsi”ga imkoniyat qoldirmadi — 5:0.
Shuningdek, Londonning boshqa bir yetakchisi “Arsenal” uchun ham tur omadli kelib, derbida “Vest Hem” yanchib tashlandi. Qayd etish kerak, “Vest Hem” o‘zining so‘nggi uchrashuvini “Manchester Yunayted”ga qarshi Liga Kubogi doirasida o‘tkazib, 1:4 hisobida yengilgandi.
14-turning qolgan uchrashuvlari bugun va ertaga davom ettiriladi.
Angliya Premyer-Ligasi 14-tur bellashuvlari 3-dekabr, shanba
“Manchester Siti” — “Chelsi” 1:3
Gollar: Gari Kexill, 45-avt (1:0). Diyego Kosta, 60 (1:1). Villian, 70 (1:2). Eden Azar, 90 (1:3).Chetlatishlar: Fernandinyo, 90+7 (M). Serxio Aguero, 90+7 (M).“Vest Bromvich” — “Uotford” 3:1
Gollar: Jonni Evans, 16 (1:0). Kris Brant, 34 (2:0). Kristian Kabasele, 59 (2:1). Mett Fillips, 90+1 (3:1).Chetlatish: Roberto Pereyra, 84 (U).“Kristal Pelas” — “Sautgempton” 3:0
Gollar: Kristian Benteke, 33 (1:0). Jeyms Tomkins, 36 (2:0). Kristian Benteke, 85 (3:0).“Sanderlend” — “Lester” 2:1
Gollar: Robert Xut, 64-avt (1:0). Jermeyn Defo, 77 (2:0). Sindzi Okazaki, 80 (2:1).“Stok Siti” — “Byornli” 2:0
Gollar: Jonatan Uolters, 20 (1:0). Mark Munyisa, 35 (2:0).“Tottenhem” — “Suonsi” 5:0
Gollar: Harri Keyn, 39-pen (1:0). Son Xyon Min, 45+1 (2:0). Harri Keyn, 49 (3:0). Kristian Eriksen, 70 (4:0). Kristian Eriksen, 90+2 (5:0).“Vest Hem” — “Arsenal” 1:5
Gollar: Mesut O‘zil, 24 (0:1). Aleksis Sanches, 63 (0:2). Aleksis Sanches, 80 (0:3). Endryu Kerroll, 83 (1:3). Aleks Chemberlen, 84 (1:4). Aleksis Sanches, 86 (1:5).4-dekabr, yakshanba“Bornmut” — “Liverpul”“Everton” — “Manchester Yunayted”
5-dekabr, dushanba“Midlsbro” — “Xall Siti”
Izoh (0)