Футбол бўйича Англия Премьер-Лигасининг 14-тури марказий учрашув билан бошланиб, Лондоннинг «Челси» клуби «Манчестер Сити» майдонида меҳмон бўлди.
Биринчи бўлим сўнггида мезбонлар ҳисобда олдинга чиқиб олган бўлса-да, иккинчи 45 дақиқаликда «Челси» 3 та гол уришга муваффақ бўлди. Евро—2016 да Италия терма жамоасини бошқариб, Испания устидан 2:0 ҳисобида муваффақият қозонган Антонио Конте, худди Испания каби тўп сураётган Пеп Гвардиола жамоасини ҳам 2 та гол фарқи билан мағлуб эта олди ва пешқадамлигини мустаҳкамлади.
Мамлакатнинг амалдаги чемпиони «Лестер» сўнгги поғонада бораётган «Сандерленд» майдонига ташриф буюрди ва имкониятни бой берди. Бош мураббий Клаудио Раньери айтиб ўтганидек, «Лестер» Премьер-Лигада жон сақлаб қолиш учун курашаётган клубларга жуда яқин турибди.
Бир тур аввал «Челси»га қарши майдонга тушиб, мавсумдаги илк мағлубиятини қабул қилиб олган «Тоттенҳэм», мазкур турда «Суонси»га имконият қолдирмади — 5:0.
Шунингдек, Лондоннинг бошқа бир етакчиси «Арсенал» учун ҳам тур омадли келиб, дербида «Вест Ҳэм» янчиб ташланди. Қайд этиш керак, «Вест Ҳэм» ўзининг сўнгги учрашувини «Манчестер Юнайтед»га қарши Лига Кубоги доирасида ўтказиб, 1:4 ҳисобида енгилганди.
14-турнинг қолган учрашувлари бугун ва эртага давом эттирилади.
Англия Премьер-Лигаси 14-тур беллашувлари 3 декабрь, шанба
«Манчестер Сити» — «Челси» 1:3
Голлар: Гари Кехилл, 45-авт (1:0). Диего Коста, 60 (1:1). Виллиан, 70 (1:2). Эден Азар, 90 (1:3).Четлатишлар: Фернандиньо, 90+7 (М). Серхио Агуэро, 90+7 (М).«Вест Бромвич» — «Уотфорд» 3:1
Голлар: Жонни Эванс, 16 (1:0). Крис Брант, 34 (2:0). Кристиан Кабаселе, 59 (2:1). Метт Филлипс, 90+1 (3:1).Четлатиш: Роберто Перейра, 84 (У).«Кристал Пэлас» — «Саутгемптон» 3:0
Голлар: Кристиан Бентеке, 33 (1:0). Жеймс Томкинс, 36 (2:0). Кристиан Бентеке, 85 (3:0).«Сандерленд» — «Лестер» 2:1
Голлар: Роберт Хут, 64-авт (1:0). Жермейн Дефо, 77 (2:0). Синдзи Оказаки, 80 (2:1).«Сток Сити» — «Бёрнли» 2:0
Голлар: Жонатан Уолтерс, 20 (1:0). Марк Муньиса, 35 (2:0).«Тоттенҳэм» — «Суонси» 5:0
Голлар: Ҳарри Кейн, 39-пен (1:0). Сон Хён Мин, 45+1 (2:0). Ҳарри Кейн, 49 (3:0). Кристиан Эриксен, 70 (4:0). Кристиан Эриксен, 90+2 (5:0).«Вест Ҳэм» — «Арсенал» 1:5
Голлар: Месут Ўзил, 24 (0:1). Алексис Санчес, 63 (0:2). Алексис Санчес, 80 (0:3). Эндрю Кэрролл, 83 (1:3). Алекс Чемберлен, 84 (1:4). Алексис Санчес, 86 (1:5).4 декабрь, якшанба«Борнмут» — «Ливерпуль»«Эвертон» — «Манчестер Юнайтед»
5 декабрь, душанба«Мидлсбро» — «Халл Сити»
Изоҳ (0)