O‘zbekiston futbol federatsiyasi matbout xizmati mamlakatning 2016-yildagi eng yaxshi murabbiyi va futbolchisini aniqlash bo‘yicha Respublika bo‘ylab so‘rovnoma boshlanganligi haqida e’lon qildi.
So‘rovnomada O‘zbekiston va chet eldagi ommaviy axborot vositalarining tahririyatlari, shuningdek, mustaqil jurnalist, kolumnist va nyusmeykerlar va sport blogerlari so‘rovnomada qatnashadi.
Futbol klublari va terma jamoalarning matbuot xizmatlari ovozi ham yagona “Matbuot xizmatlari” guruhi ostida birlashtirilib, yagona ovoz sifatida so‘rovnomada ishtirok etadi.
Yilning eng yaxshi murabbiyi va futbolchisi nomi (ikki alohida nominatsiya hisoblanib) umumiy ballar yig‘indisiga qarab aniqlanadi.
Har bir tahririyat 3 nafar murabbiy va 3 nafar futbolchini mukofotga loyiqlik darajasi bo‘yicha birinchi, ikkinchi va uchinchi o‘rinlarga qo‘yib chiqadi. Ikkala nominatsiya bo‘yicha ham 3 ta qator to‘ldirilishi shart.
Futbolchi va murabbiylar uchun berilgan ovozlar quyidagi tartibda hisoblanadi:
1-o‘rin uchun – 3 ball;2-o‘rin uchun – 2 ball;3-o‘rin uchun – 1 ball.
Yilning eng yaxshi murabbiyi va futbolchisiga ovoz berish asnosida murabbiy va futbolchining yil davomidagi faoliyatiga nazar tashlanadi.
Ovoz berayotgan tahririyat to‘rtta asosiy me’zonga rioya qilishi kerak:
1. Yil davomidagi individual va jamoaviy ravishdagi yutuqlari;2. Iste’dod, iqtidor va Fair Play;3. Karyera;4. Shaxsiyati va uning boshqalarga ta’siri.
O‘zbekiston Oliy Ligasidagi o‘zbekistonlik bo‘lmagan xorijlik murabbiy yoki legionerlar so‘rovnomada ishtirok eta olmaydi.
Tahririyat o‘z ovozini rasmiy maktub bilan O‘FF matbuot xizmatining elektron pochtasiga, shuningdek faks orqali jo‘natishlari lozim. Ovoz berish 2-dekabrdan ochiq va 25 kun davom etib, 2016-yilning 27-dekabr kuni dekabr kuni soat 18:00 da to‘xtatiladi.
Ovozlar quyidagi manzilga jo‘natiladi:
Manzil: Toshkent shahri, 100011, O‘zbekiston shoh ko‘chasi, 98-A uy
Faks: (+99871) 244-16-83.
Email: media@the-uff.com
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)