Angliya futbol uyushmasi (FA) Garet Sautgeytni mamlakat terma jamoasi bosh murabbiyi lavozimida tasdiqladi. Bu haqda, tashkilot matbuot xizmatiga asoslanib, “TASS” xabar bermoqda.
Sautgeyt to‘rt yillik shartnoma imzoladi. U 2018-yilgi jahon chempionati hamda 2020-yilgi Yevropa chempionatida termaga rahbarlik qiladi.
Sautgeyt 2016-yil sentabrida, Sem Ellardays bilan shartnoma muddatidan ilgari bekor qilinganidan so‘ng bosh murabbiy vazifasini bajaruvchi etib tayinlangan edi. Ellardays Telegraph nashri surishtiruvlari natijasida korrupsiyada ayblangan edi.