Arxeologlar Misrda mamlakatning qadimiy tarixi haqida tasavvurlarni ancha kengaytiruvchi kashfiyot qildi. Nilning o‘rta oqimidagi Soxag viloyatida taxminan eramizdan avvalgi 5300-yilga taalluqli manzilgoh va unda yashagan misrliklar dafn etilgan joy topildi, deb yozadi “TASS”.
U yerdagi qadimiy shahar Abidosda mastablar — dafn etish hujralariga ega bo‘lgan kesik piramida shaklidagi sag‘analar qazib ochilgan.
Misr qadimiy yodgorliklar vazirligining Qadimiy obidalar departamenti rahbari Mahmud Afifiyning 23-noyabr, chorshanba kuni ma’lum qilishicha, bu topilma mastablar ilk bor dunyoga mashhur Sakkara majmuasida qurilganligini shubha ostiga qo‘yadi. Shu paytgacha Sakkarada joylashgan ilk mastablar birinchi sulola davrida (eramizdan avvalgi 3000—2800-yillar) barpo etilgan deb hisoblab kelingan.
Arxeologlar Abidosda yuqori mansab egalarining bir-biridan shakli va hatto joylashuvi ham farqlanuvchi 15 ta dahmasini topdi. Ulardan ba’zilarining uzunligi 14 metrga yetadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)