Yevroittifoq mamlakatlari fuqarolarining o‘rtacha umr ko‘rish darajasi birinchi bor 80 yoshdan oshdi. Bu haqda Yevropa komissiyasi va Iqtisodiy hamkorlik va taraqqiyot tashkiloti tomonidan taqdim etilgan hisobotda ma’lum qilindi, deya xabar beradi “Interfaks”.
Tadqiqotga ko‘ra, uzoq vaqt Yevroittifoqda hayot davomiyligi mutanosib bo‘lmagan: g‘arbiy davlatlarda fuqarolar markaziy va sharqiy mamlakatlarga nisbatan o‘rtacha 8 yilga ko‘proq yashagan. Ushbu farqni qisqartish hali ko‘p urinishlarni talab etadi.
Hisobot oxirgi 20 yil mobaynida Yevroittifoq davlatlarida umr davomiyligi o‘rtacha 10 yilga ko‘payganini ko‘rsatmoqda. Biroq surunkali kasalliklar va ular bilan bog‘liq xatarlar — semirish, tamaki chekish va spirtli ichimliklar ichish umumiy ko‘rsatkichlarga kuchli ta’sir ko‘rsatmoqda.
Shu bilan birga, Yevropada tug‘ish ko‘rsatkichining pasayishi va keksa yoshdagi aholi soni oshib borishi kuzatilmoqda. Jumladan, yoshi 65 dan katta bo‘lgan fuqarolar soni oxirgi 25 yilda ikki barobar ko‘payib, 20 foizga yetgan. 2060-yilga kelib esa bu ko‘rsatkich 30 foizni tashkil etishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)