23-noyabrning e’tiborga molik yangiliklari — “Daryo”ning kechki dayjestida.
1. Xitoylik fuqaro ovqat yeyish uchun mo‘ljallangan 15 ming tayoqchadan qadimiy ibodatxonaning kichik ko‘rinishini yasadi (video). Xitoylik ustaga ijodi namunasini to‘liq yakunlashi uchun 4,5 yil vaqt kerak bo‘ldi.
2. Twitter adashib o‘z asoschisining akkauntini bloklab qo‘ydi. Twitter mikroblogi asoschilaridan biri va kompaniya rahbari Jek Dorsining akkaunti 22-noyabr kuni kechqurun vaqtinchalik yopib qo‘yildi.
3. Afsonaviy bokschi Rufat Risqiyev koma holatiga tushib qolgani ma’lum qilindi. Shu yilning sentabr oyi oxirlarida Toshkent shahridagi 16-shifoxonada shifokorlar venalar trombozining og‘irlashishi sababli Rufat Risqiyev o‘ng oyog‘ining tizzadan pastini kesib tashlash uchun jarrohlik amaliyotini o‘tkazgandi.
4. AQShning yangi Zumwalt harbiy kemasi Panama kanalidan o‘tishda buzilib qoldi. Harbiy kemaning ishdan chiqishi uning kombinatsiyalangan dizel-gaz turbinali dvigatelidagi issiqlikni almashtirib beruvchi qurilmasi bilan bog‘liqligi taxmin qilinmoqda.
5. Ostona Nazarboyev sharafiga qayta nomlanishi mumkin. Qozog‘iston parlamenti deputatlari ushbu tashabbusni respublika qonun chiqaruvchi organining ikkala palatasi qo‘shma majlisida ma’lum qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)