22-noyabr kuni Samarqand shahrida “SOS — O‘zbekiston bolalar mahallalari” uyushmasi filialining Yoshlar markazi ochilish marosimi  bo‘lib o‘tdi, deb yozadi UzDaily.

Foto: UzDaily

Foto: UzDaily

Yoshlar markazi uchun Samarqand viloyati hokimligi tomonidan taqdim etilgan bino yoshlar qulay yashashi uchun yaroqli 500 kvadrat metrdan ortiq maydonga ega.

Yoshlar markaziga yashash uchun 20 nafar o‘smir qiz va o‘g‘il bolalar joylashtirilgan, ularga xizmatlarning keng turi ko‘rsatilmoqda. Bular — hayot uchun muhim bo‘lgan malakalar bo‘yicha treninglar, seminarlar, ruhiy va huquqiy ko‘mak, shuningdek, ta’lim olishda va ishga kirishda yordam.

Ayni paytda Toshkent va Samarqand shaharlarida 57 nafar o‘smirga Yoshlar markazlarida mustaqil hayotga tayyorgarlik borasida har tomonlama ko‘mak berilmoqda. Ularning barchasi kasb-hunar kollejlari va akademik litseylar o‘quvchilaridir.