Toshkentning “Lokomotiv” futbol klubi bilan mamlakat chempionligini qo‘lga kiritgan hujumchi Temurxo‘ja Abduxoliqov Malayziyaning “T-Tim” klubida faoliyatini davom ettirishi mumkin. Bu haqda “Championat.asia” nashri ma’lumot berdi.
Klub skautlari “Lokomotiv”ning 29-turdan joy olgan “Metallurg”ga qarshi o‘yinini stadionning o‘zidan tomosha qilgan. Avvalroq mazkur klub safida o‘zbekistonlik futbolchilardan Sadriddin Abdullayev hamda Farhod Tojiyev ham to‘p tepgan bo‘lib, har ikki futbolchi aynan “Lokomotiv”dagi o‘yinlari orqali malayziyaliklar e’tiboriga tushgandi.
“T-Tim”, shuningdek, Kaxi Maxaradzeni ham o‘z safiga qo‘shib olishni rejalashtirgan. Qayd etish kerak, Maxaradze ketma-ket uch mavsumdan buyon O‘zbekiston chempioni nomiga erishib kelmoqda. So‘nggi ikki mavsumni “Paxtakor” safida o‘tkazib, 2016-yil boshida “Lokomotiv” libosini kiygan gruziyalik futbolchi O‘zbekistonning bir emas, ikki klubi bilan chempion bo‘lgan turkmanistonlik Gochquli Gochquliyevdan keyin ikkinchi xorijlik hisoblanadi.
Izoh (0)