Meksika pesosi kursi dollarga nisbatan 8 foizgacha qadrsizlandi, deya xabar bermoqda “Kommersant”. Meksika pul birligi Donald Tramp Floridadagi saylovlarda g‘alaba qozongani ma’lum bo‘lganidan so‘ng qadrsizlana boshladi.
Donald Tramp saylovoldi kampaniyasi davomida AQSh va Meksika o‘rtasidagi erkin savdo to‘g‘risidagi bitimni bekor qilishga, shuningdek, Meksika hisobidan ikki mamlakat o‘rtasida devor qurishga va’da bergan edi.
AQShdagi prezident saylovi xalqaro birja indekslariga ham sezilarli ta’sir ko‘rsatdi. Osiyodagi birjalarning ochilishi vaqtida Asia Dow, Nikkei va Hang Seng indekslari 2,5 foizga tushgan edi.
Bundan tashqari, neft narxi ham arzonlashmoqda: Brent turidagi neft fyucherslari 1,5 dollarga arzonlab, hozirda bir barreli uchun 44,5 dollarni tashkil etmoqda.
Ma’lumot uchun, hozircha respublikachilar vakili Donald Tramp raqibi — demokrat Hillari Klintonni ortda qoldirmoqda — Tramp tanlovchilar hay’atining 244 ovozini qo‘lga kiritgan, Klintonda esa hozircha 209 ta.
[playbuzz-item playbuzz_url="muhrima10/aqsh-prezidenti-saylovida-kim-g-olib-chiqadi"]
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)