Poytaxtda Toshkent moda haftaligi — Tashkent Fashion Week—2016 ga bag‘ishlangan matbuot anjumani bo‘lib o‘tdi. “Osiyo Ramzi” O‘zbekiston modelyerlar va dizaynerlar uyushmasi tomonidan tashkil etiladigan haftalik 22—27-noyabr kunlari bo‘lib o‘tadi. Bu haqda “Daryo”ga tadbir mutasaddilari ma’lum qildi.
Moda haftaligida Eron, Italiya, Qozog‘iston, Xitoy, Koreya, Kuvayt, Qirg‘iziston, Latviya, Polsha hamda Tojikiston vakillari ishtirok etadi.
Toshkent moda haftaligi doirasida quyidagi tadbirlar o‘tkazilishi rejalashtirilgan:
- To‘qimachilik ko‘rgazmasi (22.11.16);
- An’anaviy o‘zbek liboslari namoyishi (22.11.16);
- Xalqaro ilmiy-amaliy anjuman (23.11.16);
- Yosh dizaynerlar namoyishi #beyoung (23.11.16);
- Mahalliy va xorijiy dizaynerlarning mualliflik namoyishlari (24—26.11.16);
- Mahalliy va xorijiy dizaynerlarning gala-namoyishi (26.11.16);
- Mahalliy va xorijiy mutaxassislarning mahorat-darslari (27.11.16);
- “Milliy libos” festivali (27.11.16).
Yalpi majlis doirasida haftalik mehmonlari, shuningdek, moda sohasidagi mahalliy ekspertlarning ma’ruzalari tinglanadi. Qatnashchilar O‘zbekiston moda sanoatini rivojlantirish yuzasidan amaliy takliflar ustida ish olib boradi. Haftalik doirasida bir yo‘la ikki yosh dizaynerning #beyoung namoyishi o‘tkazilishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)