Пойтахтда Тошкент мода ҳафталиги — Tashkent Fashion Week—2016 га бағишланган матбуот анжумани бўлиб ўтди. «Осиё Рамзи» Ўзбекистон модельерлар ва дизайнерлар уюшмаси томонидан ташкил этиладиган ҳафталик 22—27 ноябрь кунлари бўлиб ўтади. Бу ҳақда «Дарё»га тадбир мутасаддилари маълум қилди.
Мода ҳафталигида Эрон, Италия, Қозоғистон, Хитой, Корея, Кувайт, Қирғизистон, Латвия, Польша ҳамда Тожикистон вакиллари иштирок этади.
Тошкент мода ҳафталиги доирасида қуйидаги тадбирлар ўтказилиши режалаштирилган:
- Тўқимачилик кўргазмаси (22.11.16);
- Анъанавий ўзбек либослари намойиши (22.11.16);
- Халқаро илмий-амалий анжуман (23.11.16);
- Ёш дизайнерлар намойиши #beyoung (23.11.16);
- Маҳаллий ва хорижий дизайнерларнинг муаллифлик намойишлари (24—26.11.16);
- Маҳаллий ва хорижий дизайнерларнинг гала-намойиши (26.11.16);
- Маҳаллий ва хорижий мутахассисларнинг маҳорат-дарслари (27.11.16);
- «Миллий либос» фестивали (27.11.16).
Ялпи мажлис доирасида ҳафталик меҳмонлари, шунингдек, мода соҳасидаги маҳаллий экспертларнинг маърузалари тингланади. Қатнашчилар Ўзбекистон мода саноатини ривожлантириш юзасидан амалий таклифлар устида иш олиб боради. Ҳафталик доирасида бир йўла икки ёш дизайнернинг #beyoung намойиши ўтказилиши кутилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)