Namangandagi “Kitob olami” markazida “Do‘stlik” akademik litseyi o‘quvchisi Shahribonu Yoziyevaning “Asrlarga teng yillar” kitobi taqdimoti bo‘lib o‘tdi. Bu haqda “Namnews.uz” xabar bermoqda.
To‘plam turli mavzularni qamrab olgan ilmiy-ommabop maqolalardan iborat. Ulardan ayrimlari xorijda, jumladan, AQSh, Avstriya, Rossiya va Ukrainadagi nashrlarda ham chop etilgan. O‘quvchi yaqinda Rossiyada bo‘lib o‘tgan “Medalingrad” tanlovida “Badiiy ijod” nominatsiyasida 1-o‘rinni egalladi.
Shahribonuning bundan tashqari yana ikkita – “Ehtirom” va “Seni sog‘inaman” she’riy to‘plamlari dunyo yuzini ko‘rgan. Ayni kunlarda uning ilmiy maqolalar to‘plami ingliz tilida nashr etilish arafasida.
Izoh (0)