30-oktabr kuni O‘zbekistonning aksariyat hududlarida yog‘ingarchilik kuzatildi
30-oktabr, yakshanba kuni O‘zbekiston bo‘ylab yomg‘ir, alohida tog‘li hududlarda yog‘ingarchilik kuzatildi. “O‘zgidromet” axborotiga ko‘ra, faqat Qoraqalpog‘iston Respublikasi, Xorazm, Buxoro, Navoiy, Surxondaryo viloyatlarida yog‘ingarchilik kuzatilmadi.
31-oktabrga o‘tar kechasi O‘zbekistonda asosan yog‘ingarchiliksiz ob-havo kuzatildi. Faqat Qoraqalpog‘iston Respublikasining ayrim hududlari, Farg‘ona vodiysi viloyatlarida yomg‘ir yog‘di, alohida tog‘li joylarda yog‘ingarchilik kuzatildi.
O‘zbekiston viloyat markazlari va yirik shaharlarida 30-oktabr kuni kuni kunduzi havo haroratining eng yuqori darajasi shunday bo‘ldi: Nukusda +8 daraja, Urganchda +12 daraja, Samarqandda +13 daraja, Jizzaxda +14 daraja, Guliston, Andijon, Farg‘ona +15 daraja, Toshkent, Namanganda +16 daraja, Navoiy, Qarshida +19 daraja, Buxoroda +20 daraja, Termizda +24 daraja iliq.
O‘zbekiston viloyat markazlari va yirik shaharlarida 31-oktabrga o‘tar kechasi havo haroratining eng past darajasi shunday bo‘ldi: Nukusda +4 daraja, Urganchda +5 daraja, Andijonda +6 daraja, Namangan, Farg‘onada +7 daraja, Buxoro, Jizzaxda +8 daraja, Gulistonda +9 daraja, Toshkent, Samarqand, Qarshida +10 daraja, Navoiyda +11 daraja, Termizda +12 daraja iliq.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
