O‘zbekiston Birinchi Prezidenti nomi Moskva markazida, Yakimanka tumanidagi respublika konsullik bo‘limi yaqinida joylashgan xiyobonga beriladi, deb yozadi “Gazeta.uz” Moskva meriyasi saytiga tayanib.
Konsulxona yaqinidagi nomsiz xiyobonga Islom Karimov nomini berishni so‘rab shahar rahbariyatiga Rossiya va O‘zbekiston fan, siyosat va san’at arboblari murojaat qildi. Kichik xiyobonga O‘zbekiston Birinchi Prezidenti nomini berish to‘g‘risidagi qaror loyihasi Moskva hukumatining 1-noyabrdagi majlisida ko‘rib chiqiladi.
Avvalroq Rossiya poytaxti Moskvada O‘zbekistonning Birinchi Prezidenti Islom Karimovga haykal o‘rnatish masalasi shahar dumasi huzuridagi monumental san’at komissiyasining 8-dekabrdagi yig‘ilishida ko‘rib chiqilishi xabar berilgan edi.
Izoh (0)