Намангандаги «Китоб олами» марказида «Дўстлик» академик лицейи ўқувчиси Шаҳрибону Ёзиеванинг «Асрларга тенг йиллар» китоби тақдимоти бўлиб ўтди. Бу ҳақда «Namnews.uz» хабар бермоқда.
Тўплам турли мавзуларни қамраб олган илмий-оммабоп мақолалардан иборат. Улардан айримлари хорижда, жумладан, АҚШ, Австрия, Россия ва Украинадаги нашрларда ҳам чоп этилган. Ўқувчи яқинда Россияда бўлиб ўтган «Медалинград» танловида «Бадиий ижод» номинациясида 1-ўринни эгаллади.
Шаҳрибонунинг бундан ташқари яна иккита – «Эҳтиром» ва «Сени соғинаман» шеърий тўпламлари дунё юзини кўрган. Айни кунларда унинг илмий мақолалар тўплами инглиз тилида нашр этилиш арафасида.
Изоҳ (0)