28-oktabr, juma kuni butun O‘zbekiston bo‘ylab havo harorati biroz ko‘tarilishi kutilmoqda. Bu haqda “O‘zgidromet” markazi xabar bermoqda.
Xabar berishlaricha, 28-oktabrga o‘tar kechasi O‘zbekistonning tog‘li hududlarida -3...+2 daraja, Qoraqalpog‘iston Respublikasi va Xorazm viloyatida -2...+3 daraja, Navoiy viloyatining shimolida -5...0 daraja, Navoiy va Buxoro viloyatining boshqa hududlarida 0...+5 daraja, Toshkent, Samarqand, Jizzax, Sirdaryo, Andijon, Namangan, Farg‘ona viloyatlari va Toshkent shahrida +5...+7 daraja, Qashqadaryo va Surxondaryo viloyatida +3...+8 daraja iliq bo‘lishi kutilmoqda.
Juma kuni kunduzi O‘zbekistonning tog‘li hududlarida havo harorati +5...+10 daraja, Qoraqalpog‘iston Respublikasi va Xorazm viloyatida +8...+13 daraja, Farg‘ona vodiysi viloyatlari va Toshkent shahrida +12...+17 daraja, Buxoro, Navoiy, Toshkent, Samarqand, Jizzax, Sirdaryo viloyatlarida +13...+18 daraja, Qashqadaryo va Surxondaryo viloyatlarida +15...+20 daraja iliq bo‘ladi.
“O‘zgidromet” axborotiga ko‘ra, 28-oktabrga o‘tar kechasi va 28-oktabr kuni kunduzi O‘zbekistonning tog‘li hududlarida yog‘ingarchilik kuzatilishi, Buxoro, Navoiy, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarining ayrim joylari, shuningdek, Toshkent shahrida yomg‘ir yog‘ishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)