Suriya prezidenti Bashar Asadning amakisi Rifat Asad Fransiyada davlat mulki hisobidan noqonuniy ravishda boylik orttirish ishi bo‘yicha sudlanadi. Bu haqda, AFP’ga asoslanib, “TASS” xabar bermoqda.
79 yoshli Rifat Asad shu yilning iyunida tergov ostiga tushdi. U davlat mulklarini o‘zlashtirish hamda soliq qonunchiligini qo‘pol tarzda buzish natijasida qo‘lga kiritilgan pullarni oldindan til biriktirgan holda yuvishda ayblanmoqda.
Transparency International va Sherpa nohukumat tashkilotlarining Fransiya bo‘linmalari Rifat Asadga qarshi shikoyat bilan Fransiya sudiga 2013-yili murojaat qilgan edi. Hisob-kitoblarga qaraganda, Rifat Asadning Fransiyada ko‘chmas mulki 160 million yevroga narxlanadi. Tergov versiyasiga ko‘ra esa, quvg‘indagi siyosatchi 90 million yevrolik mulkka egalik qiladi.
Izoh (0)