Malayziyada golf bo‘yicha PGA Tour doirasida o‘tadigan CIMB Classic turniri golf maydonida 2 metrli bo‘g‘ma ilonning paydo bo‘lishi tufayli to‘xtatildi, deb xabar bermoqda “Korrespondent.net”.
Voqea joyiga ilonlarni tutish xizmati xodimlari chaqirildi, musobaqa esa bir muddatga to‘xtatildi.
Mutaxassislar bo‘g‘ma ilonni tutgach, o‘yinlar davom ettirildi.
Ma’lumot uchun, CIMB Classic turniri 20–23-oktabr kunlari Kuala-Lumpur shahrida o‘tkazilmoqda. Musobaqaning mukofot jamg‘armasi 7 million dollarga teng. CIMB Classic’ning amaldagi chempioni Jastin Tomas hisoblanadi.
Izoh (0)