Angliyalik futbolchi Stiven Jerrard o‘zining Instagram sahifasida “Los-Anjeles Gelaksi” klubini tark etayotganini anglatuvchi rasm qoldirdi.
“Jamoa muxlislaridan minnatdorman, men uchun bu yerda to‘p surish sharafli bo‘ldi. Aynan siz tufayli men Los-Anjelesda o‘zimni xuddi uyimdagidek his qildim. Shu boisdan shahar bir umr yodimda qoladi. Rahmat”, — deb rasmga izoh yozib qo‘ygan Jerrard.
2015-yilgi mavsumdan e’tiboran AQSh klubini sharafini himoya qilgan Jerrard o‘tgan vaqt davomida 33 ta bellashuvda maydonga tushdi va 5 bor raqiblar darvozasini ishg‘ol qildi. Uning keyingi taqdiri qanday bo‘lishi hozircha noma’lum.
Izoh (0)