Klintonning shtabi kukun solingan konvert tufayli evakuatsiya qilindi

AQSh prezidentligiga Demokratlar partiyasidan nomzod Hillari Klintonning saylovoldi kampaniyasi shtabida 22-oktabrga o‘tar kechasi evakuatsiya o‘tkazildi. Bunga shtabga jo‘natilgan shubhali kukun joylashtirilgan konvert sabab bo‘ldi, deya xabar beradi “Interfaks”.

Ma’lumotlarga ko‘ra, konvertga bevosita 4 kishi tegingan. Ularda hech qanday kasallik alomatlari sezilmagani bildirilmoqda.

Politsiya konvertdagi kukun tarkibini o‘rganmoqda. Hodisa yuzasidan tekshiruv boshlandi.