Jahonning 60 mamlakatida Zika virusi bilan bog‘liq qariyb 6,5 ming holat kuzatildi. Bu haqda, Rospotrebnadzor agentligiga asoslanib, “Interfaks” xabar bermoqda.
“60 mamlakat hududiga Zika bezgagining olib kirilishi bilan bog‘liq 6447 holat haqida xabar berilmoqda. Ular orasida Yevropaning 22 mamlakati, AQSh, Fransiya, Yangi Zelandiya, Avstraliya, Xitoy va boshqa bir qator davlatlar bor”, — deyiladi idoraning saytida 19-oktabr, chorshanba kuni e’lon qilingan materialda.
Xabar qilinishicha, 22 mamlakatda yangi tug‘ilgan bolalar asab tizimidagi patologiyalar ko‘paygan, 19 mamlakatda nevrologik buzilishlar holatlari ko‘paygan.
Izoh (0)