Yengil atletika bo‘yicha 9 karra Olimpiada g‘olibi, 11 karra jahon chempioni yamaykalik sprinter Useyn Bolt faoliyatini 2017-yili Londonda bo‘lib o‘tadigan jahon chempionatidan so‘ng yakunlashini, o‘z yurtidagi so‘nggi chiqishi esa Racers Grand Prix–2017 turnirida bo‘lib o‘tishini ma’lum qildi. Bu haqda “TASS” xabar bermoqda.
“Ha, faoliyatimni 2017-yilgi jahon chempionatidan so‘ng yakunlayman. Racers Grand Prix–2017 esa men uchun Yamaykadagi so‘nggi chiqishim bo‘ladi”, – dedi Bolt.
2017-yili yengil atletika bo‘yicha jahon chempionati 5–13-avgust kunlari o‘tkaziladi.
Avvalroq Yamayka hukumati poytaxt Kingston shahridagi Milliy stadion yaqinida joylashgan xiyobonga Useyn Boltning haykalini o‘rnatishga qaror qilgani haqida xabar berilgandi.
Ma’lumot uchun, Useyn Bolt 100 metr (9,58) va 200 metrga (19,19) yugurish bo‘yicha amaldagi rekordchi hisoblanadi.
Izoh (0)