To‘y-hasham, tug‘ilgan kun tantanalari, bitiruvchilar uchrashuvlari, korporativ yoki shunchaki sevimli yoringiz bilan restoranga tashrif — odatdagidan ko‘ra yorqinroq bo‘yanish uchun vaj bo‘la oladigan holatlardir.
Oqshom makiyajining umumiy qoidalari quyidagicha:
- oqshom makiyaji kunduzgidan yorqinroq bo‘lishi kerak;
- agar tadbir xira chiroqli xonada o‘tkazilsa, yuz uchun odatdagidan ochroq; agar chiroq ancha yorqin bo‘lsa — to‘qroq ranglardan foydalaning;
- bayram varianti uchun yaltiroq effektga ega tonal krem va upalar mos keladi, ammo bunday holatda jilosiz tenlardan foydalangan ma’qul;
- oqshomgi makiyajda, xuddi kunduzgidek, urg‘u yo ko‘zga, yo labga berilishi lozim.
Oqshom makiyajida qosh juda muhim rol o‘ynaydi. Ular tartibli, taralgan va yaxshi bo‘yalgan bo‘lishi kerak. Oqshom makiyajida qosh yorqin bo‘lishiga yo‘l qo‘yiladi, shu sababli qora va to‘q jigarrang ranglardan foydalanish mumkin.
Ko‘zlarga urg‘u bermoqchi bo‘lsangiz, qo‘rqmasdan eng yorqin tenlarni ishlating. Unutmang, tenlar ko‘z rangi va kiyimingiz bilan uyg‘unlashgan bo‘lishi kerak. Och jigarrang lab bo‘yog‘i yoki bilinar-bilinmas rangi bo‘lgan lab balzamidan foydalaning.
Labga urg‘u berishga qaror qilgan bo‘lsangiz, qizil, olcha rang, olxo‘ri rangidagi yorqin lab bo‘yoqlariga murojaat qiling. So‘nggi shtrix — yonoqlarga rumyana suring. Sochlari to‘q rangda bo‘lgan qizlarga bronza yoki jigarrang tusdagi rumyanalar mos tushadi, oq-sariqdan kelgan qizlar esa pushti aralash och jigarrang rumyanalardan foydalangani ma’qul.
Izoh (0)