Тўй-ҳашам, туғилган кун тантаналари, битирувчилар учрашувлари, корпоратив ёки шунчаки севимли ёрингиз билан ресторанга ташриф — одатдагидан кўра ёрқинроқ бўяниш учун важ бўла оладиган ҳолатлардир.
Оқшом макияжининг умумий қоидалари қуйидагича:
- оқшом макияжи кундузгидан ёрқинроқ бўлиши керак;
- агар тадбир хира чироқли хонада ўтказилса, юз учун одатдагидан очроқ; агар чироқ анча ёрқин бўлса — тўқроқ ранглардан фойдаланинг;
- байрам варианти учун ялтироқ эффектга эга тонал крем ва упалар мос келади, аммо бундай ҳолатда жилосиз тенлардан фойдаланган маъқул;
- оқшомги макияжда, худди кундузгидек, урғу ё кўзга, ё лабга берилиши лозим.
Оқшом макияжида қош жуда муҳим рол ўйнайди. Улар тартибли, таралган ва яхши бўялган бўлиши керак. Оқшом макияжида қош ёрқин бўлишига йўл қўйилади, шу сабабли қора ва тўқ жигарранг ранглардан фойдаланиш мумкин.
Кўзларга урғу бермоқчи бўлсангиз, қўрқмасдан энг ёрқин тенларни ишлатинг. Унутманг, тенлар кўз ранги ва кийимингиз билан уйғунлашган бўлиши керак. Оч жигарранг лаб бўёғи ёки билинар-билинмас ранги бўлган лаб бальзамидан фойдаланинг.
Лабга урғу беришга қарор қилган бўлсангиз, қизил, олча ранг, олхўри рангидаги ёрқин лаб бўёқларига мурожаат қилинг. Сўнгги штрих — ёноқларга румяна суринг. Сочлари тўқ рангда бўлган қизларга бронза ёки жигарранг тусдаги румяналар мос тушади, оқ-сариқдан келган қизлар эса пушти аралаш оч жигарранг румяналардан фойдалангани маъқул.
Изоҳ (0)