Jenevada O‘zbekiston Respublikasi Prezidenti sayloviga bag‘ishlangan brifing bo‘lib o‘tdi. Tadbirda xalqaro tashkilotlar, Shveysariya jamoatchilik, akademik va ekspert doiralari vakillari ishtirok etdi. Bu haqda “Jahon” axborot agentligi xabar bermoqda.
Shveysariyaning Diva International jurnali noshiri va bosh muharriri M.Foss O‘zbekiston taraqqiyotning demokratik yo‘lini tanlaganini namoyish etuvchi parlament va siyosiy partiyalar mavqeyini mustahkamlash, saylov qonunchiligini takomillashtirish bo‘yicha choralarni yuqori baholadi. O‘zbekistonda oldin bo‘lib o‘tgan parlament va prezidentlik saylovlaridagi ishtirokidan kelib chiqib, ularda siyosiy xilma-xillik tamoyillariga amal qilinganini ijobiy baholadi.
Shveysariya va Lixtenshteyn xorijiy matbuot assotsiatsiyasi a’zosi P. Mishel Viro O‘zbekiston ijtimoiy-siyosiy hayotidagi barqarorlik, oxirgi yillardagi tahsinga sazovor makroiqtisodiy ko‘rsatkichlar, aholi farovonligi oshib borayotganligi ko‘plab rivojlanayotgan davlatlar uchun o‘rnak bo‘lib xizmat qilishi mumkinligini qayd etdi. O‘zbekistonda fuqarolar mamlakat siyosiy hayotida faol ishtirok etishi uchun yaratilgan sharoitlar ahamiyatini ta’kidlab o‘tdi.
Izoh (0)