Женевада Ўзбекистон Республикаси Президенти сайловига бағишланган брифинг бўлиб ўтди. Тадбирда халқаро ташкилотлар, Швейцария жамоатчилик, академик ва эксперт доиралари вакиллари иштирок этди. Бу ҳақда «Жаҳон» ахборот агентлиги хабар бермоқда.
Швейцариянинг Diva International журнали ношири ва бош муҳаррири М.Фосс Ўзбекистон тараққиётнинг демократик йўлини танлаганини намойиш этувчи парламент ва сиёсий партиялар мавқейини мустаҳкамлаш, сайлов қонунчилигини такомиллаштириш бўйича чораларни юқори баҳолади. Ўзбекистонда олдин бўлиб ўтган парламент ва президентлик сайловларидаги иштирокидан келиб чиқиб, уларда сиёсий хилма-хиллик тамойилларига амал қилинганини ижобий баҳолади.
Швейцария ва Лихтенштейн хорижий матбуот ассоциацияси аъзоси П. Мишель Виро Ўзбекистон ижтимоий-сиёсий ҳаётидаги барқарорлик, охирги йиллардаги таҳсинга сазовор макроиқтисодий кўрсаткичлар, аҳоли фаровонлиги ошиб бораётганлиги кўплаб ривожланаётган давлатлар учун ўрнак бўлиб хизмат қилиши мумкинлигини қайд этди. Ўзбекистонда фуқаролар мамлакат сиёсий ҳаётида фаол иштирок этиши учун яратилган шароитлар аҳамиятини таъкидлаб ўтди.
Изоҳ (0)