Politsiya xodimlari Moskva markazida yahudiylar ibodatxonasi —sinagoga hududiga benzin kanistri bilan otilib kirgan va qo‘riqchini to‘pponchadan o‘q uzib yaralagan erkakni qo‘lga oldi. Bu haqda Rossiya poytaxti huquq-tartibot idoralaridagi manba ma’lum qildi, deb xabar beradi “TASS”.
“Huquqbuzar Katta Spasoglinishevskiy tor ko‘chasidagi sinagoga hududiga kirib, bino ichiga benzin kanistri bilan o‘tmoqchi bo‘ldi. Uning yo‘lini qo‘riqchi to‘sdi, biroq ko‘kragidan o‘q yedi. Hodisa joyiga yetib kelgan politsiya xodimlari erkakni qo‘lga oldi”, — dedi manba.
Rossiya IIV rasmiy vakili Irina Volkning bildirishicha, qo‘riqlash xodimlari va o‘zini tutishi noraso bo‘lgan erkak o‘rtasida mojaro kelib chiqqan. Noma’lum kimsa pnevmatik to‘pponchadan qo‘riqchilarga bir necha bor o‘q uzgan. Shundan so‘ng qo‘lga olinib, ichki ishlar bo‘limiga olib kelingan.
Dastlabki ma’lumotlarga ko‘ra, qo‘lga olingan shaxs Moskva viloyatining Korolyov shahrida yashovchi 40 yoshli fuqaro bo‘lib chiqqan. Mazkur holat yuzasidan tekshiruv olib borilmoqda.
Izoh (0)