Rossiya tashqi ishlar vaziri Sergey Lavrov 1-oktabr kuni AQSh davlat kotibi Jon Kerri bilan telefon orqali suhbatlashdi, deb yozadi “TASS” Rossiya tashqi siyosiy muassasasining “VKontakte”dagi sahifasiga tayanib.
Suhbatdoshlar Suriyadagi vaziyatni muhokama qilishni davom ettirib, xususan, noqonuniy qurolli guruhlar nizo tomonlarining o‘t ochishni to‘xtatishi haqidagi Rossiya-Amerika kelishuvlariga qaramasdan, jangovar harakatlarni davom ettirayotgan Aleppo atrofidagi vaziyatni normallashtirish imkoniyatlarini ko‘rib chiqdi.
“‘Mo‘tadil’ Suriya muxolifatining ko‘plab otryadlari yarashuv amal qilmaydigan ‘Jibhat an-Nusra’ terrorchilaridan ajralib chiqishni istamayapti”, — deyiladi xabarda.
Sergey Lavrov, shuningdek, G‘arb tomonidan nazorat qilinuvchi muxolifatchilarning “Jibhat an-Nusra”ga iltifot bilan munosabatda bo‘lishga urinishlari nomaqbulligiga e’tibor qaratdi.
Izoh (0)