Полиция ходимлари Москва марказида яҳудийлар ибодатхонаси —синагога ҳудудига бензин канистри билан отилиб кирган ва қўриқчини тўппончадан ўқ узиб яралаган эркакни қўлга олди. Бу ҳақда Россия пойтахти ҳуқуқ-тартибот идораларидаги манба маълум қилди, деб хабар беради «ТАСС».
«Ҳуқуқбузар Катта Спасоглинишевский тор кўчасидаги синагога ҳудудига кириб, бино ичига бензин канистри билан ўтмоқчи бўлди. Унинг йўлини қўриқчи тўсди, бироқ кўкрагидан ўқ еди. Ҳодиса жойига етиб келган полиция ходимлари эркакни қўлга олди», — деди манба.
Россия ИИВ расмий вакили Ирина Волкнинг билдиришича, қўриқлаш ходимлари ва ўзини тутиши норасо бўлган эркак ўртасида можаро келиб чиққан. Номаълум кимса пневматик тўппончадан қўриқчиларга бир неча бор ўқ узган. Шундан сўнг қўлга олиниб, ички ишлар бўлимига олиб келинган.
Дастлабки маълумотларга кўра, қўлга олинган шахс Москва вилоятининг Королёв шаҳрида яшовчи 40 ёшли фуқаро бўлиб чиққан. Мазкур ҳолат юзасидан текширув олиб борилмоқда.
Изоҳ (0)