AQSh prezidentligiga Demokratlar partiyasidan nomzod Hillari Klinton sentabr oyida o‘zining targ‘ibot kampaniyasi va partiya uchun rekord miqdorda — 154 million dollar jalb etishga muvaffaq bo‘ldi. Bu haqda siyosatchining saylov shtabi ma’lum qildi, deb xabar beradi “TASS”.
84 million dollar Klintonning prezidentlik poygasida ishtirok etishi uchun to‘plandi, 70 million esa Demokratlar partiyasi Milliy qo‘mitasi va uning shtatlardagi bo‘limlari uchun mo‘ljallangan.
Klinton targ‘ibot kampaniyasi menejeri Robbi Mukning bildirishicha, sentabrda 900 mingdan ortiq kishi saylov fondiga xayriya qildi. Kampaniya boshlanganidan beri ularning soni 2,6 million kishini tashkil etdi.
Sentabr oyida yig‘ilgan mablag‘ sobiq davlat kotibi nomzodi AQSh prezidentligiga ilgari surilganidan beri to‘plangan rekord miqdordagi summa bo‘lgani qayd etilmoqda.
Izoh (0)