24 сентябрь куни пойтахт марказида жойлашган «Амир Темур» янги замонавий турар-жой мажмуасининг очилиш маросими бўлиб ўтди. Яқин оралиқда юзаси 50 дан 200 м2 гача бўлган хонадонларга 59 оила кўчиб ўтади.
Энг замонавий технологиялар асосида қурилган «Амир Темур» турар-жой комплекси очилиш маросимига 150 дан ортиқ меҳмонлар: хонадонларнинг эгалари, маданият ва санъат арбоблари, расмий ва бизнес давралари вакиллари ва Murad Buildings’нинг дўстлари ташриф буюрди.
Айтиб ўтиш жоизки, турар-жой мажмуаси қурилишида маҳаллий ва шу билан бирга Германия, Япония, Корея, Россия ва Хитойдаги энг сифатли қурилиш маҳсулотлари ишлатилди. Фақатгина энг юқори сифат, нуфузли ишлаб чиқарувчилар ва профессионал қурувчилар жамоаси.
Қулай ва мустаҳкам хонадонлар билан бирга, мажмуада болалар майдончаси, қўриқланадиган автомобиль турар жойи ва бошқа ижтимоий инфратузилма объектлари мавжуд. «Амир Темур» комплексининг биринчи қавати яқин атрофда истиқомат қилувчи аҳоли учун қулай хизмат кўрсатиш бўлимларига ажратилган: дорихоналар, спорт маркази, гўзаллик салони, турли дўкон ва кафелар.
Кўчмас мулк бозорида 15 йилдан ортиқ фаолият кўрсатиш давомида, компаниянинг энг устувор жиҳати сифат ҳисобланади. Натижада, охирги 2—3 йил ичида умумий майдони 50 минг метр квадратдан зиёд бинолар қурилди. Бу йилги режаларга яна 3 турар-жой мажмуаси ва 2 та тижорат бинолари қурилиши киритилган. Истиқболда, бу – 250 дан ортиқ оилалар учун янги хонадонлар ва ҳар томонлама қулай маъмурий ва офис мажмуалари.
Очилиш маросимига эстрада ва кино юлдузлари, жумладан Муниса Ризаева, Сардор Раҳимхон, Иззатилла Иброҳимов, Рашид Холиқов ва Раъно Шодиева ташриф буюрди.
Ғоя муаллифи ва компания раҳбари Мурод Назаров таъкидлаб ўтганидек, «Мажмуа юртимиз Мустақиллигининг 25 йиллиги арафасида қуриб битказилди. Ва бу рамзий сана. ‘Амир Темур’ биз учун алоҳида ўрин касб этади, ва бунинг бир неча сабаблари бор. Мажмуа пойтахтимизнинг марказида жойлашган бўлиб, унинг қурилишига нафақат бизнинг, балки ҳар бир уй эгаларининг меҳри сингдирилган. Хонадонларнинг бўлажак эгалари ўз ғоя ва таклифлари, ишончи билан бизни қўллаб-қувватладилар! Биз лойиҳалаш давомида бу объектнинг чиройи, қулайлиги ва мустаҳкамлиги ҳақидаги тасаввурларимиз, қизғин иш жараёнини эслаган ҳолда, ҳозирги натижани кўриб чуқур фахр туйғусини ҳис қиляпман. Бу лойиҳа орзу қилиш, юксак марраларни кўзлаш кераклигини яна бир бор исботлайди. Зеро, бизнинг энг самимий орзуларимиз рўёбга чиқади!».
Шунингдек, очилиш маросими жараёнида ташкилотчилар томонидан совғали танловлар ўтказилди: хонадонлар яшовчилари уй учун керакли маиший техника ва бошқа фойдали совғаларга эга бўлди. Murad Buildings асосчиси Мурод Назаров янги мажмуани лойиҳалаш, қуриш ва безатишга ўз ҳиссасини қўшган барча ҳамкасбларини тақдирлади.
Изоҳ (0)