Futbol bo‘yicha Osiyo Chempionlar Ligasining yarim finali doirasida o‘zbekistonlik futbolchi harakat qiladigan Qatarning “Al-Jaish” klubi safarda BAAning “Al-Ayn”idan yengildi — 1:3.
“Al-Ayn” musobaqaning chorak finalida Toshkentning “Lokomotiv” klubini musobaqadan chiqarib yuborgan bo‘lsa, “Al-Jaish” 0:3 hisobida mag‘lub bo‘lgan o‘yinini keyinchalik g‘alabaga aylantirib, final ostonasiga qadar yetib kelgandi.
“Al-Ayn”ga qarshi bellashuvda Osiyo yulduzi Umar Abdulrahmon birinchi golga assistentlik qildi, ikkinchi golni esa o‘zi jarima zarbasidan kiritdi.
52-daqiqaga kelib o‘zbekistonlik futbolchi Sardor Rashidov penaltini aniq amalga oshirib, hisobni tenglashtirgandi. 91-daqiqada esa mezbonlar yana 1 ta gol urishga muvaffaq bo‘ldi.
Ma’lumot uchun, Osiyo Chempionlar Ligasining finalida to‘p surish o‘zbekistonlik futbolchilarga nasib qilmagan. 18-oktabr kuni bo‘lib o‘tadigan javob o‘yinida “Al-Jaish” o‘zi uchun kerakli natijani qayd eta olsa, Sardor Rashidov turnirning finaliga yo‘llanma olgan birinchi o‘zbekistonlik futbolchiga aylanishi mumkin.
Osiyo Chempionlar Ligasi Yarim final. Dastlabki o‘yin 27-sentabr, seshanba
Izoh (0)