Футбол бўйича Осиё Чемпионлар Лигасининг ярим финали доирасида ўзбекистонлик футболчи ҳаракат қиладиган Қатарнинг «Ал-Жаиш» клуби сафарда БААнинг «Ал-Айн»идан енгилди — 1:3.
«Ал-Айн» мусобақанинг чорак финалида Тошкентнинг «Локомотив» клубини мусобақадан чиқариб юборган бўлса, «Ал-Жаиш» 0:3 ҳисобида мағлуб бўлган ўйинини кейинчалик ғалабага айлантириб, финал остонасига қадар етиб келганди.
«Ал-Айн»га қарши беллашувда Осиё юлдузи Умар Абдулраҳмон биринчи голга ассистентлик қилди, иккинчи голни эса ўзи жарима зарбасидан киритди.
52-дақиқага келиб ўзбекистонлик футболчи Сардор Рашидов пенальтини аниқ амалга ошириб, ҳисобни тенглаштирганди. 91-дақиқада эса мезбонлар яна 1 та гол уришга муваффақ бўлди.
Маълумот учун, Осиё Чемпионлар Лигасининг финалида тўп суриш ўзбекистонлик футболчиларга насиб қилмаган. 18 октябрь куни бўлиб ўтадиган жавоб ўйинида «Ал-Жаиш» ўзи учун керакли натижани қайд эта олса, Сардор Рашидов турнирнинг финалига йўлланма олган биринчи ўзбекистонлик футболчига айланиши мумкин.
Осиё Чемпионлар Лигаси Ярим финал. Дастлабки ўйин 27 сентябрь, сешанба
Изоҳ (0)